He pai ki a mātou te mahi tahi ki te tangata, e whai wāhi ai ō rātou whakaaro ki te hātepe hoahoa.
He nui ā mātou ratonga hoahoa, mai i te āheinga kaupapa me te hoahoa ariā, tae atu ki te tautuhi rauemi, me ngā tuhinga hanganga.
E tino rata ana mātou ki te mahi tahi ki ngā whānau me ngā hapori, puta noa i ngā pakeketanga me ngā tuakiri, nō reira, ka pai kia kōrerotia tō kaupapa.
He hinonga papori mātou e whakapau werawera ana kia puta he pānga pai rawa ki Aotearoa. Ko tā mātou whāinga nui he whakatenatena, he whakamana anō i te tangata, ngā whānau me ngā hapori kia whai wāhi mai ki te hoahoatanga me te hanganga o ō tātou wāhi, e puta ai he painga ki te taiao, ki te hauora anō o ngā tangata ka whakamahi i aua wāhi.
He pakihi whaimoni mātou e tuku ana i ngā ratonga hoahoa ā-whare mō ngā kiritaki i te rāngai tūmatanui, tūmataiti hoki. Ko ngā huamoni ka puta mai i ēnei mahi, ka haumi anō ki roto i ngā kaupapa papori, mō ngā kiritaki kāore i te whairawa.
I tēnei wā tonu, kei te kimi mātou i ētahi āheinga ki te mahi tahi ki ngā whakahaere e ngana ana ki te whakatāiri i ngā āhuatanga kino o te mōrearea ā-whare, ki te tuku anō i ngā rongoā pupuri pūtea mō te hunga e matea ana.
.svg)
.svg)
